Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Observacions

* Davantal
* Bibliografia
* Testimonis
* Aparat crític
* Traduccions
* Imatges

 

Audiau, Jean. Les poésies des quatre troubadours d'Ussel, publiées d'après les manuscrits. Paris: Librarie Delagrave, 1922.

Codi: 194,002=136,001 Autor: Gui d'Ussel, Elias d'Uisel Gènere: Tenso (Partimen) Número: XIV

 

Ara·m digatz vostre semblan

I
1
     Ara·m digatz vostre semblan,
   
     N’Elias, d’un fin amador
   
     C’ama ses cor galiador
   
     Et es amatz ses tot engan ;
 
5
     De cal deu plus aver talan
   
     Segon dreita razon d’amor :
   
Que de sidonz sia drutz o maritz,
    Qan s’esdeven qe·il n’es datz lo chausitz ?
     
II
 
     Cosin, cor ai de fin aman
 
10
     E non ges de fals trichador,
   
     Per q’ieu tenc a major honor
   
     Aver dompna bella e prezan
   
     Totz temps, que si l’avia un an ;
   
     E pren marit dompnejador
 
15
Que de sidonz sia totz jorns aizitz ;
    C’autres dompneis ai mains vegutz partitz.
     
III
 
     La ren per c’om vai meilluran,
   
     N’Elias, tenc eu per meillor,
   
     E cella tenc per sordeior,
 
20
     Per c’om vai totz jorns sordeian ;
   
     Per dompna vai bos pretz enan
   
     E per moiller pert hom valor,
   
E per dompnei de dompna es hom grazitz
    E per dompnei de moiller escarnitz.
     
IV
25
     Cosin, s’amassetz tan ni qan,
   
     Vos hi agratz dich gran follor ;
   
     Que ren non cost’a fengedor,
   
     Si n’a un plazer e pois n’an ;
   
     Per q’ieu vuoil remaner baisan
 
30
     Ab midonz, cui am et ador ;
   
Que per bon dreich n’iria pois faiditz,
    Si, qan mi vol, eu l’en era falhitz.
     
V
 
     N’Elias, s’ieu midonz soan
   
     Per moiler, no·il fatz desonor ;
 
35
     Q’ieu non la lais mas per paor
   
     E per honor qe·il port tant gran ;
   
     Que s’ieu la pren e pois la blan,
   
     Non puosc far faillimen major,
   
E s’ieu li sui vïlas ni deschausitz,
 
40
Faill vas amor, e·l dompneis es delitz.
     
VI
 
     Cosin, be·m tengatz per truan,
   
     S’ieu puosc aver ses gardador
   
     E ses parier e ses seignor
   
     Lieys que pus vuelh, s’alre deman ;
 
45
     Maritz a son joi ses affan
   
     E·l drutz l’a mesclat ab dolor :
   
Per q’ieu am mais, cals qu’en sia lo critz,
    Esser maritz gauzens que drutz marritz.
     
VII
 
     A Na Margarita·m coman,
 
50
     N’Elias, cum a la meillor,
   
Que jutge·l plait et eu sia aunitz
    S’ieu plus non am midonz que sos maritz.
     
VIII
 
     Cosin, ben sai q’ella val tan
   
     Qu’il sap jutgar un plaich d’amor ;
 
55
E car sos pretz es tant fis e chausitz,
    Sai qu’il dira que vos hi etz faillitz.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI