Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Observacions

* Davantal
* Bibliografia
* Testimonis
* Aparat crític
* Traduccions
* Imatges

 

Audiau, Jean. Les poésies des quatre troubadours d'Ussel, publiées d'après les manuscrits. Paris: Librarie Delagrave, 1922.

Codi: 295,001=194,009 Autor: Maria de Ventadorn, Gui d'Ussel Gènere: Tenso (Partimen) Número: XV

 

Gui d'Uissel, be·m pesa de vos

I
1
     Gui d’Uissel, be·m pesa de vos,
   
     Car vos etz laissatz de chantar ;
   
     E car vos i volgra tornar,
   
     Per que sabetz d’aitals razos,
 
5
Vuoill qe·m digatz si deu far egalmen
   
Dompna per drut, qan lo qier francamen,
   
Cum el per lieis tot qant taing ad amor
    Segon los dreitz que tenon l’amador.
     
II
 
     Dompna Na Maria, tenssos
 
10
     E tot cant cujava laissar ;
   
     Mas aoras non puosc estar
   
     Qu’ieu non chant als vostres somos ;
   
E respon vos de la dompna breumen
   
Que per son drut deu far comunalmen
 
15
Cum el per lieis ses garda de ricor :
    Qu’en dos amics non deu aver major.
     
III
 
     Gui, tot so don es cobeitos
   
     Deu drutz ab merce demandar,
   
     E dompna pot o comandar,
 
20
     E deu ben pregar a sazos ;
   
E·l drutz deu far precs e comandamen
   
Cum per amiga e per dompna eissamen,
   
E·il dompna deu a son drut far honor
    Cum ad amic, mas non cum a seignor.
     
IV
25
     Dompna, sai dizon de mest nos
   
     Que, pois que dompna vol amar,
   
     Engalmen deu son drut onrar,
   
     Pois engalmen son amoros ;
   
E s’esdeven que l’am plus finamen,
 
30
Els faichs, els dichs en deu far aparen,
   
E si ell’ a fals cor ni trichador,
    Ab bel semblan deu cobrir sa follor.
     
V
 
     Gui d’Uissel, ges d’aitals razos
   
     Non son li drut al comenssar,
 
35
     Anz ditz chascus, qan vol prejar,
   
     Mans jointas e de genolos :
   
« Dompna, voillatz qe·us serva franchamen
   
Cum lo vostr’om ; » et ella enaissi·l pren ;
   
Eu vo·l jutge per dreich a trahitor
 
40
Si·s rend pariers e·s det per servidor.
     
VI
 
     Dompna, so es plaitz vergoignos
   
     Ad ops de dompn’ a razonar
   
     Que cellui non teigna per par,
   
     Ab cui a faich un cor de dos ;
 
45
O vos diretz, e no·us estara gen,
   
Que·l drutz la deu amar plus finamen,
   
O vos diretz qu’il son par entre lor ;
    Que ren no·il deu lo drutz mas per amor.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI