Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició

* Davantal
* Bibliografia
* Notes
* Traduccions
* Imatges

 

Serra-Baldó, Alfons. Els trobadors. Barcelona: Barcino, 1934 (2a ed. 1998).

Codi: 080,041 Autor: Bertran de Born Gènere: Planh Número: XVIII

 

Sui tuit li dol e·lh plor e·lh marrimen

   
[PLANY*]
     
I
1
Sui tuit li dol e·lh plor e·lh marriment
   
e las dolors e·lh dan e·lh chaitivier
   
qu’om anc auzis en est segle dolen
    fossen ensems, sembleran tot leugier
 
5
contra la mort del jove rei engles,
   
don rema pretz e jovens doloros
   
e·l mons oscurs e teint e tenebros,
    sems de tot joi, ples de tristor e d’ira.
     
II
 
Dolen e trist e ple de marrimen
 
10
son remasut li cortes soudadier
   
e·lh trobador e·lh joglar avinen.
   
Trop an agut en Mort mortal guerrier!
   
Que tout lor a lo jove rei engles,
   
ves cui eran li plus larc cobeitos.
 
15
Ja non er mais, ni no crezatz que fos,
    ves aquest dan el segle plors ni ira.
     
III
 
Estenta Mortz, plena de marrimen,
   
vanar ti potz que·l melhor chavalier
   
as tout al mon qu’anc fos de nula gen,
 
20
quar non es res qu’a pretz aia mestier,
    que tot no fos el jove rei engles.
   
E fora mielhs, s’a Dieu plagues razos,
   
que visques el que maint autre enoios
    qu’anc no feiron als pros mas dol et ira.
     
IV
25
D’aquest segle flac, ple de marrimen,
   
s’amors s’en vai, son joi tenh menzongier,
   
que re no·i a que no torn en cozen.
   
Totz jorns veuzis, e val mens uoi que ier.
   
Chascus si mir el jove rei engles,
 
30
qu’era del mon lo plus valens dels pros!
   
Ar’es anatz sos gens cors amoros,
    don es dolors e desconortz et ira.
     
V
 
Celui que plac pel nostre marriment
   
venir el mon nos traire d’encombrier
 
35
e receup mort a nostre salvamen,
   
com a senhor umil e drechurier
   
clamem merce, qu’al jove rei engles
   
perdo, si·lh platz, si com es vers perdos,
   
e·l fassa estar ab onratz companhos
 
40
lai on anc dol non ac ni aura ira!
     
   
(Text d’Appel)

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI