Serra-Baldó, Alfons. Els trobadors. Barcelona: Barcino, 1934 (2a ed. 1998).

Codi: 392,005a Autor: Raimbaut de Vaqueiras Gènere: Lamentation de femme Número: XXXI

 

Altas ondas que venetz suz la mar

		[CANÇÓ D'AMIC*]
I	1	—Altas ondas que venetz suz la mar,
		que fai lo vent çay e lay demenar:
		de mon amic savez novas comtar,
		qui lay passet no lo vei retornar?
	5	Et oy, Deu d’amor!
		ad hora·m dona joy et ad hora dolor!
II		Oy, aura dolza, qui venez deves lai
		on mon amic dorm e sejorn’e jai
		del dolz aleyn un beure m’aportai!
	10	la bocha obre, per gran desir que·n ai.
		Et oy, Deu d’amor!
		ad hora·m dona joy et ad hora dolor!
III		Mal amar fai vassal d’estran pais,
		car en plor tornan e sos jocs e sos ris.
	15	Ja non cudey mon amic me tenys
		qu’eu li doney ço que d’amor me quis.
		Et oy, Deu d’amor!
		ad hora·m dona joy et ad hora dolor!
		(Text de Massó i Torrents)