Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Bibliografia
* Testimonis
* Aparat crític
* Notes
* Traduccions
* Imatges

 

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 330,005 Autor: Peire Bremon Ricas Novas Gènere: Canso Número: XCIV

 

Be volgra de totz chantadors

I
1
Be volgra de totz chantadors
   
fos tan sobriers maiers mos sens
   
con am mielhs e sui pus temens
   
de totz los autres chantadors;
 
5
     breu fera pus adomniva
   
chanso, onran e tenen car
   
vos, que m'es de ric pretz ses par,
   
     dona plazen senhoriva,
   
que far la degra mielhs de be,
 
10
car aten tan auta merce.
     
II
 
E qui per dir sobre-lauzors
   
de sa dona fon anc mentens,
   
don las vos et er ver dizens,
   
dona, car vostra grans valors
 
15
     es tan per drech sobr'-autiva
   
c'ab lieis no·s pot lauzors engar,
   
per que deu tot laus averar
   
     vostra valors esforsiva,
   
c'ab sel creis l'autz pretz que·us mante,
 
20
per qu'ieu dezir de vos merce.
     
III
 
Aiso·m fai dir, dona, amors
    e l'onratz pretz sobre-valens
   
que·us fai grazir a totas gens,
   
per que una dossa legors
 
25
     es de mon ferm cor aiziva
   
totas vetz que n'auia parlar,
   
c'usquecx vos cuia mielhs lauzar,
   
     car vostre laus vers aviva
   
lurs lauzors, car aisi·s cove;
 
30
per so no·us aus clamar merce.
     
IV
 
Tant es nobla vostra ricors,
   
e·l vostre nous cors covinens
   
es tan bels, e l'esgartz plazens,
   
e tan vera·l fina colors
 
35
     fresca, natural e viva,
   
e tant gent sabetz dir e far
   
so que·us tanh, et azaut onrar
   
     c'a tot hom' es agradiva,
   
per qu'ieu non ai fin ioi de re
 
40
mais d'atendre vostra merce.
     
V
 
Mot es ricx pretz, sens et honors,
   
mezura e ensenhamens
   
ab vos, dona, e ieu iauzens,
   
can dezir lo vostre secors,
 
45
     que mos ferms volers m'abriva;
   
mas ab tot so tem dezirar;
   
doncx be·us temeria preiar? —
         com? — car amors m'o esquiva
   
tant que ia no.us dirai, so cre:
 
50
„bela dona, sieus plai, merce!“
     
VI
 
S'ieu vos auzes preiar de re,
    dona, be·us queregra merce.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI