Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Bibliografia
* Testimonis
* Aparat crític
* Notes
* Imatges

 

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 392,014 Autor: Raimbaut de Vaqueiras Gènere: Canso Número: CXVII

 

El so que pus m'agensa

I
1
El so que pus m'agensa
   
     de mon rabey,
   
vos diray com comensa
   
     un ric torney, 
 
5
que fo fag en Proensa.
   
     qui mielhs o fey
   
vos diray ses bistensa,
   
     c'om mens de mey
   
non cobre ni non iensa
 
10
     malvat domney.
   
perdutz fo, qui que·l vensa,
   
     el garlambey
   
mans destriers de valensa,
   
     mas yeu no vey
 
15
qui planha la falhensa.
     
II
 
Gen fe la comensansa
   
     lo dons del Baus;
   
e, qui·l ver en romansa,
   
     ac sos chivaus
 
20
gran gol' e grossa pansa
   
     e semblet braus,
   
si que·l iorn en balansa
   
     iuys lo vassaus,
   
qu'en R. ab sa lansa
 
25
     lo mes el raus,
   
Rainoart, ses doptansa,
   
     que·l caval claus;
   
e·n W. per semblansa
   
     no se·n fes maus,
 
30
ans quer alhor enguansa.
     
III
 
En la cocha feria
   
     vi tot premier
   
Dragonet, que sezia
   
     sus en destrier
 
35
pauc, mas poder avia
   
     gran e sobrier;
   
mas un pauc de feunia
   
     l'a son corssier,
   
que l'a tolt gualhardia
 
40
     et alegrier;
   
per so·n cazec lo dia
   
     lai el gravier;
   
mas non planh la falhia
   
     del cavayer
 
45
qu'es de sa companhia.
     
IV
 
Lo coms cuy fon Belcaire,
   
     venc al sembel
   
desus un destrier vaire,
   
     c'om ten per bel;
 
50
e·n Pos fo sos iustaire,
   
     qui que·n gragel,
   
de Monlaur, o que·n laire,
   
     que·l gastinel
   
li saup ien de sotz traire
 
55
     fresq e novel;
   
e·l coms no y dona gaire,
   
     car pus isnel
   
n'a conquis de bon aire,
   
     que, cre, s'ensel
 
60
trop mielhs per iusta faire.
     
V
 
Barral, sel de Marcelha,
   
     vi gent armat
   
sul destrier c'a la selha
   
     negr' e·l pel plat,
 
65
e val be mil tans celha
   
     selh' en Lobat.
   
sel de Vila·l redelha,
   
     que l'ai trobat
   
lay desotz una trelha
 
70
     tot enpachat,
   
c'a pauc no·l desparelha
   
     del saur pomat;
   
e·n Barraus s'escabelha
   
     coma neyat,
 
75
pueys rete·l per l'aurelha.
     
VI
 
Si vi en la telena
   
     en Pons iustar
   
de Mondrago, c'a pena
   
     o aus comtar, 
 
80
qu'ieu lo vi en l'arena
   
     ios trabucar,
   
que, tota s'asta plena,
   
     lo fes tombar
   
us escudiers, que·n mena
 
85
     lo ros liar
   
magre, cuy par l'avena
   
     gross' al colar;
   
e'n Pos no s'esfelena
   
     de recobrar,
 
90
ans quer alhors estrena.
     
VII
 
Jen venc en la batalha
   
     lo dons garnitz
   
de Meolho, ses falha,
   
     qui·l ver en ditz;
 
95
e fo pus gras que calha
   
     sos arabitz;
   
ab Nicolau s'engalha,
   
     que·l fon aizitz,
   
que·l mes iotz la ventalha
 
100
     lo cal que nitz
   
. . . . . . . . . . . . . .
   
     . . . . . . . . . .
   
si c'anc no·n restet malha;
   
     e·l dons en ritz;
 
105
pueys ditz que no li·n calha.
     
VIII
 
Jen vi en la mesclanha
   
     mon Avengut
   
sus en caval d'Espanha,
   
     c'a trop tengut;
 
110
no sap qui·l se guazanha,
   
     qu'el l'a perdut
   
. . . . . . . . . . . . . .
   
     . . . . . . . . . .
   
que lay part Alamanha
 
115
     son esperdut
   
li trey d'una companha;
   
     mas non aug brut
   
ni home que·ls en planha,
   
     car so vencut
 
120
lay en la terr' estranha.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI