Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 461,236 Autor: Anonyme Gènere: Descort Número: CLVIII

 

Tot aissi soi desconsellatz

I	1	Tot aissi soi desconsellatz
		con l'aucels qu'a som par perdut.
		non trop qui·m valha ni m'aiut,
		per ren mas car non soi sobratz
	5	que pogues dar a totz cuminalmen.
		adonx sai ieu que·m valgron miei paren,
		que es ben vers le porverbis a dir:
		qui ren non a, an ab los mortz dormir.
II		Que s'a caval qu'es trop carguatz,
	10	truop c'om a verguoihna . . . . . ,
		que, sses tota temensa, tut
		fan ades lur grans malvestatz:
		l'uns tol e l'autre o pren,
		l'autre s'esdis, lautre·s consen,
	15	l'autr' esstrai de la gen l'abir,
		l'autr' embla, l'autre va aunir.
III		Ges no.s repren qui tol ni embla
		ni a consir pensier tengut
		de l'autre decasar e perdut,
	20	e que·l fassa perden e ssos tratz
		lo ssieu, et assi·ll tire ben
		tot son aver e sson renden.
		no·s deu prezar mal far ni dir
		ni mal pensar, a mon abir.
IV	25	Assas es pel mont grans vieutatz
		de rrix maniars e de condut,
		claras aiguas s'an corregut,
		de blatz e de vins s'a viutatz,
		mas d'amor a gran faillimen
	30	e de fatz d'onor, veramen,
		ez homps paures ven en azir
		e decassatz, si ver vol dir.
V		Per o per tot sera cocatz;
		mas a manentz valon ben tut
	35	e·ls servon de for, ses descut,
		sol que·ls veian ben assezatz;
		e·l paures non a ges de ssen
		contra·l fals fol, lo rric manen;
		e·l malvaz rix sab mais trazir,
	40	que . . . . . . . . . . . . dir.
VI		Pron er martirs, si no.s repren,
		qui trais ni aussis per argen;
		el fuoc d'enfern ira delir
		e cremar; no·l valra sospir.