Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 140,001b=226,005 Autor: Enric II Graf von Rodez, Guillem de Mur Gènere: Tenso (Partimen) Número: V

 

Guillem de Murs, .I. enujos

I	1	Guilhem de Murs, .I. enujos     (f. 16 vº).
		Novel partiment vos vuell far :
		Cal amas mais, tostems [e]star
		Que sias tan formentz gilos
	5	Qu’en perdas joy e bel captenement,
		Ho que sia giloza tan forment
		Vostra moilher de vos qu’en planc en plor
		E non ges vos ? Non prendas la piior.
II		— Seinher, sel que fai d’un dan dos
	10	Non fai ben ni gent son afar,
		Per qu’ieu vuell un dan esquivar
		E vuell esser so sospichos,
		Quel gilos vei hom es a tort sovent ;
		E s’ill era giloza et entent
	15	Qu’en fezes tant quez acsem dezonor,
		Amduy ensems quen mescles mal follor.
III		— Dieus e dretz e razos
		S’acordan c’om deu mais amar
		Si mezeis c’autre, perquem par
	20	Que pegua es vostra tensos,
		Car vos sabes, e trobas ho legent,
		Que fort gilos es fora de son sent.
		Trop en portas a la moiller d’amor
		Que l’ames mais que vos ex ni honor.
IV	25	— Siben m’est trop contrarios
		Ni sabes pron de predicar,
		Non comandet Dieus c’am sa par
		Deu esser tot un a l’espos ?
		Aissi con sell que son castell defent
	30	Deves la part hon plus a d’espavent,
		Deu [el] guardar la freoleza lor ;
		Cant pros domna faill non tornem color.