Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 461,145 Autor: Anonyme Gènere: Pastorela Número: XVII

 

L'autrier al quint jorn d'April

xlv.
I	1	L’autrier al quint jorn d’April (f. 42)
		Trobiei pastorela
		A l’onbreta d’un espin
		Avinent e bella
	5	Que chanta e favella
		.I. sonet de Castella ;
		Que plus humil
		Non n’a en mil,
		Vestida d’un negre sarzil,
	10	Mantellet e gonella.
II		Passiei lo traves d’un rieu : (v°)
		Toza, dis ieu, bella,
		S’ieus atruop en luoc aizieu,
		Sola ses parella,
	15	Sabrai s’est piusella
		En l’erbeta novella ».
		— Ai seinher Dieus !
		En vos mi plieu,
		C’aitant cant aurai parent vieu
	20	Non serai ribaudella.
III		— Toza, intrem el gardin,
		Fares cortezia,
		E farem .j. juoc d’amors
		Que cascun[s] s’en riza.
	25	Si a vos plazia
		Que vos fosses m’amia,
		Enans soleill levat aisi
		Serem aisi
		Cada matin,
	30	E tenrem goi tot dia.
IV		— Ben entent vostre latin,
		Seinher, cal que sia ;
		Perdut aves lo camin,
		Lai tenes vostra via,
	35	Quel mia paria
		Vos tornar a follia.
		Per sant Martin !
		Si fas ves mi ;
		Auziran o tut(z) mieu vezin
	40	E sara vilania.
V		— Toza, el tems de pascor,
		Per fin alegrage
		Can s’alegran entre lor
		L’auzellet salvaje,
	45	Dins per los boscages
		E vos per los ombrajes,
		Per la frescor
		De la verdor
		Farai .j. juoc novel d’amors
	50	Del vostre piusellage.
VII		— Seinher, nom fassas honor
		Perdre per follage ;
		Mon pairem vol maridar
		Al mieu agradaje
	55	Mot de gran linhaje
		Segon lo mieu barnage ;
		Anatz a luy querre secors,
		C’aisel en portara la flor
		Que n’aural maridaje.
	60	Vos autre(s) janglador(s)
		Aures en lo barnaje.