Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Codi: 461,174 Autor: Anonyme Gènere: Deux coblas avec tornada Número: XXII, 2

 

N'auriflama, car vos es flamejans

.x.
I	1	N’auriflama, car vos es flamejans (f. 27)
		Coma fin aur cant es ben aflamatz,
		En la flama ben flaman ni purgatz,
		Soy enflamats e mon cors es flamans
	5	D’una flama flamejan qu’es mot pura
		Que flameja si con fay dauradura,
		La qual flama tot jorn creis e meilhura ;
		N’auriflama vos es d’aital natura.
II		Vos es flama de fin aur reflamans,
	10	N’auriflama, per qu’ieu soy enflamatz
		De tal flama don es mon cors dauratz,
		Que coma l’aur lus, tant es reflamans ;
		Don flameja fuoc e flama tot dia
		Per vostr’amor qu’enflama tan la mia,
	15	Si qu’escantir la flama nos poiria,
		Tant soy de vos enflamat[z], dous’amia.
III		Flama flaman ni flamier nom poiria
		Desemflamar, n’auriflama yolia,
		De vostr’amor, ans mais m’enflamaria
	20	Qui flamairar de flama me volria.