Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Codi: 437,020a Autor: Sordel Gènere: Deux coblas avec tornada Número: XL

 

Mant home·m fan meravilhar

I	1	Mant home·m fan meravilhar,
		car soy d’aitan [pauc] enveyos,
		car degun aver no m’es bos,
		mas cant per metr’o per donar;
	5	car qui ten son thezaur entier
		mil marc non valon un denier,
		car nulh [avers] ad home pro non·te,
		mas so qu’en met per pretz o per merce.
II		De trop sobras si deu garar
	10	qui vol esser valens ni pros,
		ni de sofracha vergoinos;
		car qui a fag e no pot far
		vieu malastrucs ab dol sobrier;
		per que·s deu metr’el dreg sentier
	15	de mezur[a] ap pretz qui pretz mante,
		que·l trop no·l tanh e·l pauc y descove.
III		Lunh pretz cort non pretz un denier;
		mas qui vol aver pretz entier
		sapcha metr’en son afar sobrefre,
	20	que so qu’enpren puesqu’en pes tener [be].