Kolsen, Adolf. Sämtliche Lieder des Trobadors Giraut de Bornelh. Halle a. S.: Verlag von Max Niemeyer, 1910.

Codi: 242,059 Autor: Giraut de Bornelh Gènere: Canso Número: XVIII

 

Can la brun'aura s'eslucha

I	1	Can la brun’aura s’eslucha
		Pel suau termini franc
		Era si de joi m’estanc ?
		Si be·s somelha ni·s clucha
	5	L’amors que·m fara languir,
		Si no la·m deslonh’oblitz,
		Mal m’er e, si·m falh mos chans,
		Tort n’auretz vos, mal’amia !
II		Car vos m’etz un pauc esducha
	10	Si que·m viratz en bru blanc ?
		No per re qu’eu disses anc,
		Domn’, avetz tal ir’aducha !
		E s’eu auzes descobrir
		Com vos, ma domna·m plevitz,
	15	Que destrics ni mals ni dans !
		No·m letz que plus vos en dia.
III		Tal m’avetz tornat c’a lucha
		No·m defendri’ad un manc ;
		E vitz anc greu clop ni ranc,
	20	Si a malpas no trabucha,
		Leu n’on posch’avan fugir ?
		Tan sui vas enfrevolitz
		Com cel dezamatz amans,
		Que de joi se desraïa.
IV	25	La noch, can lo sons m’aclucha,
		Dorm sobr’arch’o sobre banc,
		Tro que·m dolon am mei flanc,
		Per c’ai ma valor destrucha ;
		Qu’en lech no posc eu dormir,
	30	Ans m’en leu totz esbaïtz
		E pens de vos en estans,
		Contra que m’etz tan enia !
V		Que·l cor dins me crid’e m’ucha
		Que no·l rompa ni l’esbranc
	35	De vostr’amor, et eu planc,
		Car sai que res no m’afrucha ;
		Enans me n’er a partir,
		Si viure no volh aunitz,
		Et es tan sobrers l’afans
	40	Que·m tol repaus e·m destria.
VI		C’ab ma volontat paurucha
		No m’a laissat charn ni sanc.
		Pustel’en son olh e cranc,
		Qui·us me cud’aver forducha
	45	Qu’enans me n’er a fenir
		Mo vers que sia complitz ;
		Mas d’aisso sui plus clamans,
		Car anc me noc gens mendia !
VII		Qu’eu vi l’or’e vos la vitz,
	50	No cuder’us amirans
		Me nogues ; Deus los maldia !