Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Aparat crític
* Traduccions
* Imatges

 

Kolsen, Adolf. Sämtliche Lieder des Trobadors Giraut de Bornelh. Halle a. S.: Verlag von Max Niemeyer, 1910.

Codi: 242,037 Autor: Giraut de Bornelh Gènere: Canso Número: XXIX

 

Ges de sobrevoler no·m tolh

I
1
Ges de sobrevoler no·m tolh
   
Per folha d’arbre ni per flor,
   
Ans m’en do mais d’aitz en pascor,
   
Can chanta·l rossinhols eis plais ;
 
5
        Per so·m fui jais,
   
E qui trop chass’a no-dever,
   
        Greu pot sezer
   
Que·l trop no·l vir lai on l’er dans
    So c’ab mezura·lh fora pros. 
     
II
10
Qu’eu vi l’ora quez al prim folh
   
Cobrav’en dobles ma valor !
   
Er’a mala merce d’Amor
   
La dolz’aur’e l’erba que nais
   
        Es mos esglais ;
 
15
Qu’ela·m fetz e·m fai er’aver
   
        Cor ses poder
   
D’aco c’un pas no lai m’enans,
    C’apres no·m fassa lonhar dos.
     
III
 
E donc per que non o desvolh,
 
20
Pos aventura no m’acor ?
   
Car anc no vi fin amador
   
Ab poder que d’amar s’eslais.
   
        De grans eslais
   
N’ai eu ja fachs vas no-chaler
 
25
        Et ans del ser
   
M’era si doblatz mos talans
    Que·m fora melhs que res no·n fos.
     
IV
 
Farai donc vas Amor orgolh,
   
Si·lh dic que·m tenh a dezonor,
 
30
S’ans don’ad un galiador
   
C’a me que·lh sui fis e verais ?
   
        Era no m’ais ;
   
Aisso·lh dei eu en grat tener,
            Si·m fai voler
 
35
Tal amia que de mil tans
   
M’onres sola sa sospeissos !
     
V
 
Com fatz, pos ela no m’acolh
   
Ni·m sofre per entendedor ?
   
Per Deu, vers es, ans ai paor ;
 
40
Que·l seus gens cors conhdes e gais
   
        Vol qu’eu abais
   
E par, per que m’en dezesper,
   
        Plus esser ver
   
Ab bels dichs et ab bels semblans
 
45
Que m’aia brau ni orgolhos.
     
VI
 
E s’eu ja torn vas Essidolh,
   
Vau viran de mal en peior,
   
Que per domna ni per senhor
   
No·m vol lo trop mover del fais.
 
50
        Abans, s’irais
   
Can sap que·m deuria valer,
   
        Be·n dei temer
   
Que s’aiuda·m sia desmans,
   
Pos c’a dich mal de mas chansos.
     
VII
55
E pero veiatz en l’escolh
   
Linhaure vers de trobador
   
E no·m n’aiatz per gabador,
   
Si tan rics motz me passa·l cais;
   
        C’aitan m’atrais
 
60
M’essecha de so bel saber !
            Per qu’eu esper,
    Quez ab mo ver dire bobans,
   
C’a defendre·m n’ai arazos.
     
VIII
 
Mas lai ai pen’e sai afans ;
 
65
No·m sai que s’es amics, Joios.
     
IX
 
Pero be volh que·l reis Ferans
    Auia mo vers e·l reis n’Amfos !

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI