Dejeanne, Jean Marie Lucien. Poésies complètes du troubadour Marcabru. Toulouse: Édouard Privat, 1909.

Codi: 293,023 Autor: Marcabru Gènere: Vers Número: XXIII

 

Emperaire per vostre prez

I	1	Emperaire per vostre prez
		E per la proeza q'avez
		Sui a vos venguz, zo sabez,
		E no m'en dei ges penedir.
II	5	Meillz m'en degra lo pels sezer
		Car chai vinc vostra cort vezer,
		Q'eu farai loing e pres saber
		Lo joi que vos es a venir.
III		S'anc per vos demenei orgoill
	10	Tot m'es tornat en autre fuoill,
		Qe tals mena bon fait en l’uoill
		Qe no s'en auza descobrir.
IV		Qi·l sa[p] bon q'eu sui tant poinenz
		Als malvats et als recredenz,
	15	Per qe n'a serrada[s] las denz
		E non ausa lo criz eissir ?
V		Emperaire, si ben enquers,
		Lo reprovers es fis e mers :
		Ço qe dons dona e plora sers
	20	Las lacrimas devon perir.
		(Emperaire si Dieus me gart)
VI		S'eu me faill al vostre donar
		Jamais a gorc qu'auza lauzar
		Non ira Marcabruns pescar
		C'ades cuidaria faillir.
VII	25	Per aqella fe q'eu vos dei,
		Anc mes emperador ni rei
		Non agron tal merchat de mei,
		Con vos, e D[i]eus m'en lais jauzir.
VIII		Emperairiz, pregaz per mei,
	30	Qu'eu farai vostre prez richir.