Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Codi: 457,022 Autor: Uc de Sant Circ Gènere: Deux coblas avec tornada Número: XVIII

 

Na Maria de Mons es plasentera

I	1	Na Maria de Mons es plasentera,
		Francha et humil e d’avinen senblansa,
		E fa honor et acuoill volontera
		Los bos e lor mostra bell’ acoindansa,
	5	E sos cors es joves e bels e bos,
		E·ill dich e·ill faich e·ill senblan amoros :
		Per que li voill de ben dir far honransa.
II		E pois Dieus l’a mes en ailal carera
		Q’en sa valor avem tuich esperansa,
	10	Prec la qe port tan dreita sa seingnera
		Q’a sos amics non don dol ni pezansa ;
		Que pos vira ni chai nuill gonfanos,
		No tem hom pois lui ni sos conpaingnos,
		E’ill enemic donon se·n alegransa.
III	15	Na Maria, vejatz ab quals rasos
		Ni ab qual sen se fai amar als bos
		Na Donela ni·s fai creisser s’onranza.