Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Codi: 457,010 Autor: Uc de Sant Circ Gènere: Cobla Número: XXV

 

De vos me sui partitz; mals focs vos arga

I	1	De vos me sui partitz ; mals focs vos arga ;
		C’autra n’am mais que vos non amiei anc,
		E ges non es loinc de mi un trat d’arc
		E val d’aitals una gran plena comba.
	5	Cil lauzenzier non sabon ges son nom ;
		Per qe neguns no m’en pot dan tener ;
		E ja per vos non sarai mais soffrens,
		Ans vos prezai ben d’aiqels de la festa.