Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Codi: 457,020a=016a,001 Autor: Uc de Sant Circ, Albric Gènere: Échange de coblas Número: XXXIV

 

Mesier Albric, so·m prega Ardisons

		UC DE SAINT-CIRC.
I	1	Mesier Albric, so·m prega Ardisons
		Qu’ieu vos deia mostrar saviamenç
		Com el l’autrier fo faiç novel espos
		Et c’ara·il fail meils e vins e formenç,
	5	Tan qe·il moillier s’en rancur’ e s’en lagna ;
		Per qe·l Sordel vos prega, et eu lo voill,
		Qe·il fasaç dar un car d’erbas de moill
		E tant de meil don viva sa compagna.
		ALBÉRIC.
II		N’Uc de San Sir, tot per amor de vos
	10	E del Sordel, car es pros e valenç,
		Voil que del meu aia Ser Ardiçons
		Tant c’al partir s’en an gai et jausenç,
		Que eu cre ben qe vianda·il sofragna ;
		Pero del meil de si dire non voill,
	15	Mas ben darai un car d’erbas de moill
		Si hom las pot trobar a la campagna.