Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Est. introductorio
* Glosario

* Presentación
* Bibliografía
* Testimonios
* Aparato crítico
* Notas
* Traducciones
* Imágenes

Bertoni, Giulio. I trovatori d'Italia. Modena: Editore Cav. Umberto Orlandini, 1915.

Código: 281,002 Autor: Lamberti di Buvalel Género: Canso Número: V

Er quant florisson li verger

I
1
Er quant florisson li verger
   
E·ill auzel chanton per lor iai,
   
Voill far ab gai sonet leuger
   
Coinda chanzon, pos a lei plai,
 
5
De cui eu chan, q'es tan plasenz
   
Q'als pros fai e als conoissenz
   
Totas las autras desplazer
    E si honrar e car tener.
     
II
 
Tant ai [de ioi e] d'alegrer
 
10
E tant son tuit miei consir gai,
   
Qe capdelar cuit tot l'emper,
   
Quant m'albir cum d'amor me vai;
   
E cel q'esser volra sabenz
   
Qals es cil de cui sui iausenz,
 
15
An la genchor del mont vezer,
    Q'esters no·ill lo aus far saber.
     
III
 
Car enveios e lausengier
   
Per cui mainz bes d'amor dechai
   
Me·n fan paor, per qe·m suffer
 
20
Que mon ioi non dic ni retrai,
   
Anz faz cuiar a mantas genz
   
Q'aillors sia mos pessamenz;
   
E puosc o ben far senz temer,
    Pos mos fis cors en sap lo ver.
     
IV
25
Complit son tuit mei desirer,
   
Pos cil, dont mos cors no s'estrai,
   
Me reten per son cavaler,
   
Qui qe n'aia dol ni esglai.
   
Per aizo·il sui tant benvolenz
 
30
Que totas [las] autras valenz
   
No·m poirion tant far plazer,
    Per q'eu partis mon bon esper.
     
V
 
La bell'ab lo cors plazenter
   
Pos da lei no·m part ni·m partrai,
 
35
Prec, se·il plai, c'ab lo ioi entier
   
Mi socorra, q'atendre·m fai
   
Sa vermeilla bocha rienz;
   
Q'aissi co ill promes, eissamenz
   
Lo deu atendre, al meu parer,
 
40
Se·l dreit d'amor vol mantener.
     
VI
 
A Mon Restaur, qar es valenz
   
Al laus de toz los conoissenz,
   
Faz mon ioi e mon chan saber
    Car li plazon tuit mei placer.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI