Bertoni, Giulio. I trovatori d'Italia. Modena: Editore Cav. Umberto Orlandini, 1915.

Código: 282,024 Autor: Lanfranc Cigala Género: Deux coblas avec tornada Número: XLIX

Tan franc cors de dompn'ai trobat

I	1	Tan franc cors de dompn'ai trobat
		A Villafranca e tan plazen,
		Qe m'acuilli tan francamen,
		Qe de franc m'a son serf tornat.
	5	Mas franqeza com m'adui a servir,
		Qe·m deuria, s'eu era sers, franqir?
		Car pros dompna ab sa franca douzor
		Cor d'ome franc fai leu son servidor.
II		S'ieu agues ges de franqetat,
	10	Eu amera son franc cors gen,
		Mas no ai tan franc ardimen
		D'entendr'en tan franc’amistat;
		Mas son franc pretz sivals farai auzir
		Tan qe mains francs farai sers devenir
	15	De lei cui am francamen ad honor
		Ab fi cor franc mas no en dreit d'amor.
III		Dompna, ia mais no voill francs devenir
		De vos amar francamen e servir,
		Q'eu fora fols, pois ai tan franc seignor,
	20	Si franqetat demandava maior.