Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Est. introductorio
* Glosario

* Presentación
* Bibliografía
* Testimonios
* Aparato crítico
* Notas
* Traducciones
* Imágenes

Bertoni, Giulio. I trovatori d'Italia. Modena: Editore Cav. Umberto Orlandini, 1915.

Código: 436,005=282,021b Autor: Simon Doria , Lanfranc Cigala Género: Tenso Número: LIV

Segne'n Lafranc, tant m'a sobrat amors

I
1
Segne'n Lafranc, tant m'a sobrat amors
   
Q'ieu non conosc lo mal dal be q'ieu n'ai;
   
Car lo maltraigz m'es tan douza sabors,
   
Qe·l gaugz ni·l bes no·m ten pro quant ieu l'ai:
 
5
Per q'ieu conosc q'a murir m'er, zo sai,
   
Ni no·m partrai tant son fizels amaire,
   
Qar cil qi m'a del tot el sieu poder
   
Mi mostr'orgueil e fai non da dever;
    Mas trop me fai pero dol e mal traire.
     
II
10
Amics Symon, celui sobra follors
   
Qi apella maltraig zo qe li plai;
   
E qi non cern los gaugz de las dolors,
   
Non sai per qe·il venguesson d'amor iai;
   
Car non grazis lo ben cui non desplai
 
15
Lo mals, e qi d'aisso non es triaire,
   
Ia no·il deu far domna d'amor plazer,
   
Pos non conois lo gaug dal desplazer.
    No·l dic per vos, car no·us voil irat faire.
     
III
 
Segne'n Lafranc, ben cuidava de vos
 
20
Conseil trobar, mas ia mais no·l qerrai,
   
Q'enemics es de totz los amoros
   
Et anc no·us plac azautamentz de lai
   
Don movon tuig bon faig cortes e gai;
   
Car si fosses d'amor pres pauc ni gaire,
 
25
Ia de triar non agratz tal poder
   
Qom mi dissetz, mas qar a non chaler
    Avetz gitat amor, no n'es confraire.
     
IV
 
Amics Simon, totz los amanz ioios
   
Hai eu amatz totz temps e amarai
 
30
E sui dels lur faillimenz doloros,
   
E per aizo vos dic zo qe·us desplai,
   
Qar diziatz zo q'a dir non s'eschai,
   
Don corrossat vos vei, al mieu veiaire;
   
Mas una ren vos voil ieu far saber,
 
35
Si·m voliatz d'amor conseil qerer:
    Se·us volgues mal, si·us for'ieu conseillaire?
     
V
 
Segne'n Lafranc, non sui ges corrossos
   
Pels vostres digz, mas qar ab cor verai
   
Amei tos temps malgrat dels enoios
 
40
E sui amatz et am et amarai,
   
Feunei qar vei, si tot amors m'atrai
   
Gaug e plazers e·m ten el sieu repaire,
   
Q'ieu muer, e·us dic q'ieu non puesc ben aver
   
S'eu non remir midonz matin e ser,
 
45
E s'ieu follei, ben l'o puesc ieu retraire.
     
VI
 
Ia non degratz esser tan cossiros,
   
Pos fin'amors tant grant honor vos fai,
   
Qe ben amatz es malgrat dels gelos,
   
Amics Symon, e qe demandatz mai?
  50
Mas ieu sai ben per ver e si·l dirai
   
Car vos l'amatz et ill vos ses cor vaire,
   
Et non podetz soven aver lezer
   
Del sieu bel cors embrassar e tener;
    Donc si·us doletz, no me·n meravil gaire.
     
VII
55
Segne'n Lafranc, ieu viu en bon esper,
   
Car hai chauzit del mond la debonaire.
     
VIII
 
Amics Symon, pensatz del retener,
    Que pron avetz conqist, al mieu veiaire.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI