Cluzel, Irénée. Princes et troubadours de la maison royale de Barcelone-Aragon. "Boletín de la Real Academia de Buenas Letras de Barcelona", 27 (1957-1958), pp. 321-373.

Código: 132.3 Autor: Peire rei d'Arago Género: Deux coblas avec réponse Número: VI, 2

Vetlan el lit, suy'n un penser casut

		Cobles fetes per lo Senyor Rey
I	1	Vetlan el lit, suy'n un penser casut
		de dar consell als cavaliers qui·s fan
		e qui·s faran cavallers deravan,
		es en qual loch los sera pus legut ;
	5	e dic primer que la cavallaria
		rebre deu hom de son senyor, si·y es,
		o de valent cavaller en apres,
		o de qui cap de son linatge sia.
II		Lo loch me par que sia pus degut
	10	noble ciutat, o vila gross’e gran,
		o·ls enamics valentmen garreian,
		tenent al puny lança e'l bras escut,
		o'n esglesia, on devota[men] sia,
		e si·u fa'xi, no sera ja repres
	15	per cavallers ne per null hom entes
		qui'n nobles fayts met se pensa tot dia.
		Tornada
III		D'Amor no çant, axi com far solia,
		car me vey trop en anys anant enpes,
		dubtant que·m fos en mal per alcuns pres,
	20	per qu'eu m'en call, [que] pus no·n cantaria.