Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Code: 457,030 et 209,003 Auteur: Uc de Sant Circ , Guillem del Baus Genre: Cobla (et réponse) Numero: XXXIX

Physica et astronomia / Liautatz ses tricharia

		N’UC DE SAN SIRC.
I	1	Physica et astronomia
		E·ill planet superior
		E l’artz de iomantia
		E·l cercles qe va e cor
	5	Vos an mes en la follia
		Votre sen et en error ;
		Per qe Lirons fai folor
		Q’oimais no pren la bailia
		Dels fillos de sa seror
	10	Anz qe·ill perdan tot lo lor ;
II		E puois agran bon tuor,
		Bon oncle e bon curador.
		GUIELLMS DEL BAUS.
III		[L]iautatz ses tricharia
		E bona fes ses error
	15	E l’art e la maiestria
		D’esser verais vas seignor,
		C’avetz, an fait c’om se fia
		En vos be. Doncs se tuor
		Laisses al meu fill menor,
	20	En Liron no·m fieria,
		Abanz fera·ill curador
		De vos ne defendedor ;
IV		Ni no pogra nuill tuor
		Aver al seu dan meillor.]