Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Bibliographie
* Témoignage
* Appareil critique
* Notes
* Traductions
* Images

Niestroy, Erich. Der Trobador Pistoleta. Halle a. S.: Verlag von Max Niemeyer, 1914.

Code: 372,008 Auteur: Pistoleta Genre: Canso Numero: VI

Se chantars fos grazitz

I
1
Se chantars fos grazitz,
   
si cum sol, ni solatz,
   
be·m tengra per faillitz
   
qar tant m’en fui tarzatz ;
 
5
mas chanz non ac saizon,
   
pueis lo reis d’Aragon
   
muric ni·l reis n’Anfos
   
e si per leis non fos
   
cui sobt’ altras res blan,
 
10
non chantera ugan.
     
II
 
Anz m’era relinqitz
   
totz e desconortatz
   
e d’alegrier geqitz
   
e de dompnei loignatz ;
 
15
mas amors me somon
   
qe·n fassa ma chanzon
   
e q’ieu torn e ioios
   
e gais et amoros ;
   
e m’esfortz derenan
 
20
a lei de fin aman.
     
III
 
Q’om iratz ni marritz
   
non par d’amor privatz ;
   
anz sembla deschauzitz,
   
se tot s’es ensegnatz ;
 
25
pero fai falison
   
cel qi trop d’ira·s don,
   
q’ira fai d’un dan dos,
   
zo es sos gazardos ;
   
et amors vai tot l’an
 
30
als seus gaugz perchassan.
     
IV
 
Hai Dieus ! cum es garitz
   
qi am’ e es amatz
   
e iau e es iauzitz,
   
don si ren per pagatz ;
 
35
mas cel q’am’ en perdon
   
et anc amatz non fon,
   
deu viure conziros ;
   
mas ieu non sui clamos,
   
anz sufr’ en patz l’afan
 
40
et am ses tot enian.
     
V
 
Hai ! bels cors gen bastitz,
   
plazenz e deziratz,
   
de totz bos aibz complitz !
   
vailla·m merces, si·us platz,
 
45
ab vos de cui hom san,
   
qe d’altras non razon
   
ni non sui enveios ;
   
domna, eu·m rent a vos,
   
per far vostre coman
 
50
totz temps, vas on q’ieu an.
     
VI
 
Deus confonda ugan
    orgoil e cels q’eu fan.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI