Soltau, Otto. Die Werke des Trobadors Blacatz. "Zeitschrift für romanische Philologie", 23 (1899), pp. 201-248.

Code: 097,001 Auteur: Blacatz Genre: Sirventes (de réponse) Numero: IX, c

Ben fui mal conseillaz

		Blacatz.
I	1	Ben fui mal conseillaz
		Car las granz messios
		Que vei far a baillos
		No·i mis ni·l bel solaz
	5	De lui qu’es tant presaz
		Pos tenc la soz-bailia
		N’i mis la seignoria
		Que de Bariols l’eschai
		Ni·l ric deman que fai
	10	N’i mis la testa gran
		De lui que te·l sos-man
		Qe n’Aureilla tenia.
II		E fo be grans foldaz
		Car no·i fo·l guarraignos
	15	Q’el ac quant fo espos,
		Ben a trent’anz passaz.
		Pos tengut l’a assaz
		Ben lau q’en mon chan sia
		E car son nom cambia.
	20	Que conestables fai :
		Maint caval saur e bai
		Det l’autrer e ferran
		Senç percaz malestan ;
		Per qe·l noms li tainguia.
III	25	E fui laig oblidatz
		Car de·ls seus compaignos
		No·i mesi mais de dos.
		. . . . . . . . . . . . . . . . . . .
		. . . . . . . . . . . . . . . . . . .
	30	. . . . . . . . . . . . . . . . . . .
		. . . . . . . . . . . . . . . . . . .
		. . . . . . . . . . . . . . . . . . .
		. . . . . . . . . . . . . . . . . . .
		. . . . . . . . . . . . . . . . . . .
	35	. . . . . . . . . . . . . . . . . . .
		. . . . . . . . . . . . . . . . . . .