Boutière, Jean. Les poésies du troubadour Peire Bremon Ricas Novas. Toulouse - Paris: Édouard Privat - Henri Didier, 1930.

Code: 330,015a Auteur: Peire Bremon Ricas Novas Genre: Canso Numero: XII

Rics pres, ferms e sobeirans

I	1	Rics pres, ferms e sobeirans,
		domna, vos ten sobeirana,
		e [be] sai q’es miel certana,
		dont ieu vos sui homs certans ;
	5	e per los oils de ma cara,
		bella dompna, plazenz, cara,
		anc no·us ai voluntat vana
		ni·us fui un jorn flacs ni vans ;
		pero mais non viurai sanz,
	10	si vostre gent[z] cors no·m sana.
II		E si vostre bel[s] cors planz
		lo mal q’eu ai no m’aplana,
		ni vos n’estatz segurana,
		de la mort sui seguranz ;
	15	car lo mal [s] d’amor m’afara
		lo cors e·l cor, si que ara
		ai mal q’Amors lo m’amana,
		qar mi loing de vostras mans ;
		e si ja·us estauc loindans,
	20	jes ma mor no·us er loindana.
III		Rics fora, s’istes propdans
		de vos ni·m fosses propdana ;
		qar hanc nulla crestiana
		non amet tant crestians
	25	com am vos, qe·m faitz avara
		autr’amor, tant qe no·s vara
		mos cors de vos on pres grana ;
		qar vos es de valor grans
		e non par siatz de grans
	30	qi·us aia color de grana.
IV		Mais n’amera Catalans,
		si vos fosses Catalana ;
		pero, car es Castelana,
		volgr’ieu esser Castellans ;
	35	qe·l cossir mi tol e·m gara
		vostre gentz cors, qant m’esgara ;
		e car mi semblatz serrana,
		sui sers dels vostres serranz ;
		e servira·i Surianz,
	40	si vos fossetz Suriana.
V		Ja nuls lauzengiers trafans,
		ni gelos, ni genz trefana,
		ni hom qui ab ditz vilanz
		fai sa lengua trop vilana,
	45	non tolran qe ieu ancara
		non mir vostra faizon clara,
		per lur garda soteirana
		ni per gardar[s] soteirans :
		no·i s’es mes gaire mejanz,
	50	mas d’Amor, qi es mejana.
VI		Domna, douzamenz m’agrana
		ab finz jois chascuns dels grans
		qe·m detz, e se ja viu sanz
		aiso·m tol la mort e·m sana.
VII	55	N’Audeiart dels Baus, certana
		valors e fin[s] pres certans
		fan vostre[s] faigz sobeiranz
		e vos de pretz sobeirana.