Boutière, Jean. Les poésies du troubadour Peire Bremon Ricas Novas. Toulouse - Paris: Édouard Privat - Henri Didier, 1930.

Code: 330,020 et 192,001 Auteur: Peire Bremon Ricas Novas , Gui de Cavaillo Genre: Cobla avec réponse Numero: XIX

Un vers voill comenzar el son de [me]ser Gui / Avetz auzit q'En Ricas Novas de ditz de mi

		I
		RICAS NOVAS A GUI
I	1	Un vers voill comenzar el son de [me]ser Gui.
		Pois Guis m’a dit mal, eu lo dirai autressi,
		q’en son albere raubet Raimon de Saint Marti ;
		e ’N Raimon de Neiron i raubet autressi :
	5	de lai de Cataloingna lo fes venir assi.
		Ar aujatz de can loing trais aig’a son moli :
		......................................................
		Pois pres mi donz N’Ines, e vejatz corn l’aussi :
		perdre laisset la tera c’anc hom meillor no vi,
	10	qe no fes deman[dar] de ser ni de mati.
		En Agos venqet lo ab gran mescab, zo di :
		« Lo veill deserritat » l’apellon sei veisi,
		e, si oms lo loingna, no dari’un roci.
		Anc, pois laisset la Crotz, no·l tinc per pelegri. Oi.
		II
		GUI LI RESPONDET AISI :
II	15	[Avetz auzit q’En Ricas Novas ditz de mi.
		Mal se rasonet [el], et es dreich autressi
		q’eu lo diga de lui, pois el l’a dit de mi.
		Be sai qe no er reis merce de Joanni,
		qe nos enviet sai vergoignos e cap eli.
	20	E, per l’anta qe·l fes, el raubet lo cami
		d’un borges qe·l guiava, et al presen son qui.
		E pois s’ai auzi dir c’al viscomte plevi
		qe d’el ja no·s partra tro al jorn de la fi ;
		pois lai anet a penre, don lo viscoms merci :
	25	e, si be[n] es rics hom, el en aizo failli,
		et es faillitz en alre, zo·m dizon sei veissi.
		Mas, si tot me sai paubre, una re vos affi :
		c’anc, per gazaignar terra, no aucis mon cosi. Oi.]