Salverda de Grave, Jean-Jacques. Le troubadour Bertran d'Alamanon. Toulouse: Imprimerie et librarie Édouard Privat, 1902.

Code: 197,003=076,024 Auteur: Guigo de Cabanas , Bertran d'Alamanon Genre: Tenson brève Numero: XI

Vist hai, Bertran, pos no·us uiron mei oill

I	1	Vist hai, Bertran, pos no·us uiron mei oill,
		En Gauaudan, na Saura e·n Aurien,
		E Raimonda, cella de Rocafoill,
		E la comtessa, demanderon m’en,
	5	Ez eu lor dis qu’en la guera sobreira
		Dels dos comtes laissei certanamen
		Vostr’ escut San e uostra lanz’ entieira
		E·l uostre cors flacat e nonchalen.
II		Guigo, mil tanz uos am mais q’eu non soill,
	10	Qar uos denan tanta dompna ualen
		M’auez dit mal, per qe·m plaz e zo uoill ;
		Qar us malditz d’un croi desconoissen
		Val entre gen de conoissen maneira
		Aitan con fai bendiz d’ome ualen.
	15	En uilans, loncs agronatz de ribeira.
		Vos etz d’aqels qe lauzan maldizen.
III		En Bertram, etz gauas sas de mosneira :
		Eu non uos lau, anz dic uer maldizen ;
		E qi·us conois ni sap uostra maneira,
	20	Eus eu fatz fin, si ia pots m’en desmen,
IV		Guigo, mendics ab lenga mal parleira,
		Mi faitz estar alegre e iauzen ;
		Si·m dizetz mal, ben es dretz qe·us suffeira,
		Q’onors m’en creis entre la bona gen.