Bec, Pierre. Les saluts d'amour du troubadour Arnaud de Mareuil. Toulouse: Édouard Privat, 1961.

Code: 017,I Auteur: Arnaut de Maruelh Genre: Salut d'amor (fragment) Numero: VI

Dompna, c'aves la segnoria

	1	Dompna, c'aves la segnoria
		De joven ne de cortesia
		E de totas finas valors,
		Onrada sobre las meillors,
	5	Fons de totas finas beutatz,
		Cui Dieus a totz bon aips donatz,
		Per Dieu e per franca merce,
		Sens cui hom non pot valer re,
		E pueis per cortesi' apres,
	10	E per amor, qe tan m'es pres
		Del cor que·m fai languir soven,
		E pueis, bella Dornpna, eissamen,
		Per tot zo c'az amor ataing,
		Car neguns bens no vos sofraing (1),
	15	Vos prec qe zo q'eu vos vueil dir
		Deignes escoutar e auzir.
		E s'al re mos dires no·m val,
		Al mentz no m'o tengas per mal ;
		Que tant es granz vostra valensa,
	20	E vostra beutaz c'ades genza,
		Q'eu non cre qe sia homs viventz,
		Tan es granz mos fols ardimentz,
		. . . . . . . . . . . . . . . . . . . . . . . . . . . . .