Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Code: 103,002 et 427,002 Auteur: Lo Bort del rei d'Arago , Rostaing Berenguier de Marseilla Genre: Cobla (et réponse) Numero: XXVI

Midòns m'es emperativa / D'amor de jòi genitiva

		Peticion del Bòrt
I	1	Midòns m'es emperativa
		Car mi consent l'optatiu,
		E si'm fos indicativa
		Que'm mostrès son conjunctiu,
	5	For' amors infinitiva ;
		E quar èm correlativa,
		Vòlgra de mi far actiu
		E de leis faire passiva.
		Remission de Monsen Rostanh
II		D'amor de jòi genitiva,
	10	Car n'ai semblant vocatiu,
		Am tal qu'es nominativa
		De fin prètz nominatiu ;
		E quar es de jòi dativa,
		En ren non acusativa,
	15	Vas lèis mi rent e m'autriu
		Ses volontat ablativa.