Blasi, Ferruccio. Le poesie di Guilhem de la Tor. Genève - Firenze: Leo S. Olschki S. A. - Leo S. Olschki, 1934.

Code: 236,001 Auteur: Guilhem de la Tor Genre: Canso Numero: I

Bon'aventura mi veigna

I	1	Bon'aventura mi veigna,
		q'en mon cor tan grant ioi ai
		q'eu no sai vers on me teigna.
		Dunt m'es venguz aqest iois, no sai,
	5	q'amors nuill ben no m'atrai;
		mas [eu] cuit senes doptanza
		qe·l iois me ven de lai,
		o la dolza res estai,
		en cui ai m'esperanza.
II	10	Fin'amors soven m'enseigna
		que ves [l]ei d'anar m'essai;
		qant sui lai, faz m'entreseigna
		e sembla·m qe m'amors li desplai.
		Ensi ven amors e vai :
	15	ar ai ioi, ar ai pesanza ;
		greu cuit que pro·i aurai.
		Me q'en cal, si pro no n'ai,
		q'ades i ai honranza?
III		Honor voill, honors mi veigna:
	20	c'ab honor pro conqerrai.
		Be·m sembla q'onor reteigna,
		se m'entent en lei, q'a prez verai.
		Entendre lai on volrai
		puosc assaz; mas qe m'enanza,
	25	pois q'il s'amor m'estrai?
		Ensi puosc amar, si·m plai,
		la reïna de França.