Blasi, Ferruccio. Le poesie di Guilhem de la Tor. Genève - Firenze: Leo S. Olschki S. A. - Leo S. Olschki, 1934.

Code: 236,003 Auteur: Guilhem de la Tor Genre: Deux coblas Numero: XI

De saint Martin me clam a saint Andreu

I	1	De saint Martin me clam a saint Andreu
		e prec li fort qe m'en faza dreichura,
		car non auz a Corat, vis-de-Judeu,
		e Faciol, qe chascus fai rancura
	5	qar no foron a trahir Damedeu;
		e, pois negus no·m vol donar del seu,
		lor enemics serai oltra mesura.
II		Al marques d'Est m'en clam qe·m det per feu
		q'eu dixes mal de l'avol gent tafura;
	10	cuiaz vos donc qals pros non sia, qal greu
		dels rics malvaz qui gaston la pastura!
		non volria qe mil marc fosson meu,
		per q'e·n fezes l'usage al Fariseu,
		paubre de cor, ric de mala ventura.