Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 156,009=310,002 Auteur: Falquet de Romans , Nicolet de Turin Genre: Échange de coblas Numero: XIV

Nicolet, gran malenansa

I	1	[Nicolet, gran malenansa,
		Aic, can vos vi desconfire;
		Mais vos valgron qe la lansa
		Li esperon, zo auc dire;
	5	D'aizo no [vo]s podetz esdire,
		Qe l'ausberc e·l bran rudolen
		Rendes ses colp ad un serven,
		Ni no·us en podetz escondire;
		Gardatz si fezes faillimen
	10	Vas la bel[la] qe·us acuoill gen].
II		Trop son de dur'acoindansa
		Borgoignon per qe·ls adire,
		Falqet, q'a la comensansa
		Me tolgron solatz e rire.
	15	Enoios son, al meu albire,
		Per qe·m parti de lor fugen
		E segi lo comte valen
		Godofre, de cui sui servire,
		E·l pro comt'Ubert eissamen,
	20	C’avia de vezer talen.