Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 457,036=310,003 Auteur: Uc de Sant Circ , Nicolet de Turin Genre: Cobla avec tornada (et réponse) Numero: XV

Si madompna n'Alais de Vidallana / N'Uc de Sain Circ, sabers e conoissenza

		N'Uc de San Sirc (1)
I	1	[Si madompna n'Alais de Vidallana
		Saubes cant eu sai a dompna valer,
		Ni cum eu sai far semblar sobeirana
		Tota dompna q'eu voilla mantener,
	5	Ia no·m fora de solatz tan loingtana
		En son païs, cant eu l'anei vezer:
		S'il no m'onret, onrat m'a en Breissana,
		Na Donella qe·s fai a totz plazer
		Ab cortes dichz et ab valor certana.
II	10	[N]a Salvaga, d'aitan siatz certana
		Qe l'onramenz de vos me fai plazer
		Lombardia e la Marcha e Toscana].
		Nicolez de Turrin li rispondet:
III		N'Uc de Sain Circ, sabers e conoissenza
		Tolc a n'Alais car no·us ac bel solatz,
	15	Car c'il en vos conoges la valenza
		Ni lo saber qe vos aver cuidatz,
		Be·u[s] mostrera tan bela captenenza
		Qe totz temps [mais] en foratz sos paiatz:
		Mas il no·us vi tant d'art ni de sabenza
	20	Qe de dompnas tant de be dir saçatz
		C'aian granz laus per vostra mantenenza.
IV		Na Donella sai qe n'a penedenza,
		Car vos onret, e Salvaga no·m platz
		Car vos acuoill ni·us fai bella parvenza.

 

Nota:

1) Ms. sil. (↑)