Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 457,020a=016a,001 Auteur: Uc de Sant Circ , Albric Genre: Échange de coblas Numero: XX

Mesier Albric, so·m prega Ardisons

I	1	[Mesier Albric, so·m prega Ardiso(n)s,
		Qu'ieu vos deia mostrar saviamenç,
		Com el l'autr'ier fo faiç novel espos,
		E c'ara·il fail meils e vins e formenç,
	5	Tan qe·il moillier s'en rancur' e s'en lagna;
		Per qe·l Sordel vos prega, et eu lo voill,
		Qe·il fasaç dar un car d'erbas de moill
		E tant de meil don viva sa compagna].
II		N’Uc de San Sir, tot per amor de vos
	10	E del Sordel, car es pros e valenç,
		Voil que del meu aia ser Ardiço(n)s
		Tant c’al partir se·n an gais et jausenç,
		Que eu cre ben qe vianda·il sofragna;
		Pero del meil de si dire no voill,
	15	Mas ben darai un car d'erbas de moill.
		Si hom las pot trobar a la campagna.