Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 371,002=149a,001 Auteur: Perseval Doria , Felip de Valenza Genre: Échange de coblas Numero: XXXII

Per aqest cors, del teu trip

		En Persival Doria
I	1	Per aqest cors, del teu trip
		Non vi tan azaut mancip!
		S'eu agues qe metr'el cip,
		Eu e tu foram Felip.
	5	Mas [ieu] non ti poria
		Far tot zo qe·t plairia:
		Per q'eu prec Dieus t'arip
		En loc c'onors te sia
		Plasers e manentia,
	10	C’autres non t'i acip.
		Felip de Valenza
II		Perseval, anc no recip
		De vos qe valgues un rip;
		Mas per so non ai cor lip
		Vas vos ni·m vir ni[·m] esqip
	15	De vostra compagnia;
		Anz m'auretz tota via
		Plus ferm qe mur de gip,
		Amic, on q'eu me sia,
		Sol per la cortesia
	20	Qe reigna en vostre stip.