Bertoni, Giulio. I trovatori d'Italia. Modena: Editore Cav. Umberto Orlandini, 1915.

Code: 436,003=258,001 Auteur: Simon Doria , Jacme Grill Genre: Tenso Numero: LII

Segne'n Iacme Grils, e·us deman

I	1	Segne'n Iacme Grils, e·us deman,
		Car vos vei larc e ben istan
		E qar per ric pretz sobeiran
		E per saber es mentaubutz,
	5	Qe me digatz per q'es perdutz
		Solatz e domneis mal volgutz.
II		Cobeitatz, q'es vengud'avan,
		Nos a tot bastit aqest dan,
		En Symon, qe las domnas han
	10	Amor e domnei gen tengutz,
		Mas per los cobes recrezutz
		Rics drutz [e] bes es abatutz.
III		Segne'n Iacme, mout es sennatz
		E primamen vos razonatz,
	15	Mas qar dizetz qe cobeitatz
		N'a zo mogut, vos aug faillir,
		Qar tost con fon, al mieu albir,
		Aitant o plus, no·l devetz dir.