Jeanroy, A.. Poésies provençales inédites d'après les manuscrits de Paris. "Annales du Midi", 17 (1905), pp. 457-489

Code: 056,001 Auteur: Bernart Arnaut Sabata Genre: Canso Numero: V

Fis amicx suy, mas enquer non a guaire

I	1	Fis amicx suy, mas enquer non a guaire
		Que ges d'amor no·m plazia sos bes;
		Mas aras m'a aital dompna conque
		Per cuy serai, si·l platz, guays e cantaire.
	5	Pero amar volrai saviamen,
		E no·s cug ges qu’ieu ames lonjamon
		Mi Jons, mas vis qu’i la·m volgues aucire,
		Quar si·m fa mal, cor ai qu'alhors me vire.
II		Tan ai apres d'amor del sieu afaire
	10	Qu'ans que mon cor ajatz en totas res,
		Veyrai s’ab vos, dona·m valra merces,
		Qu'enquer l'ai tant que be·l vos puesc estraire.
		Mas s·a vos platz que m'ajats chauzimen,
		De mi, dona, auretz lo cor e·l sen
	15	Aissi del tot que res no n’er a dire,
		Ans vos seray totz temps hom e servire.
III		Preyada·us ay que no m fassatz mal traire,
		E dig vos ai lo mieu voler quals es;
		E no·us cugetz qu'ie·us am dos ans ni tres
	20	Tot em perdo, qu'ades vuelh mon pro faire
		Ab vos, dona, cuy ieu am finamen,
		E pregue vos que no m'anetz dizen
		Tot jorn de no, quar motz es qu'ieu azire,
		E pert m'en hom qui soven lo·m vol dire.
IV	25	[S’]ieu no dic ges que siatz la belayre
		De tot lo mon, bela dompna, no·us pes,
		Quar ieu no suy coms ni ducx ni marques,
		Per que·m sembla no·m fos belh per retraire
		Que ieu ames del mon la plus valen;
	30	Mas pro avetz beutat e pro joven,
		E pro valetz, tan qu'autra no·n dezire:
		Ab vos remanh, si·m voletz far jauzire.
V		Jauzens serai si vos m'es de bon aire,
		E si·m datz joy, ja no l'auretz mal mes;
	35	E preiera·us q'un dous baizar n'agues,
		Mas adoncx sai que mor totz fis amaire
		Quan baiza e te e plus no l'en cossen
		Si dons; per qu'ieu non ai ges lunh talen
		Que ma boca puesc' ab la vostr' assyre,
	40	Si·l plus qu'ieu vuelh mi voliatz esdire.
VI		En Amor truep tan de bon chauzimen
		Qu'amar mi fay si que nulh mal no sen;
		No sai cum s'er, mas ades m'en puesc rire
		E va m'en be, sol la razos no·ys vire.