Jeanroy, A.. Poésies provençales inédites d'après les manuscrits de Paris. "Annales du Midi", 17 (1905), pp. 457-489

Code: 389,040 Auteur: Raimbaut d'Aurenga Genre: Canso Numero: XII

Una chansoneta fera

I	1	Una chansoneta fera
		Voluntiers l'anera dir
		Don tem quem ner a murir
		E fas l'aital que sen sela
	5	Ben la poira leu entendre
		Si tot ses en aital rima
		Li mot seran descubert
		Alques de razondeviza.
II		Bom sap quar tan mapodera
	10	Mos cors quel men puesc sufrir
		De mon talan descobrir
		Ades pueg a plena vela
		Cuy que ueia ioy dessendre
		Per que noy puesc nul escrima
	15	Trobar ans trop ai suffert
		De far parer la conquiza.
III		Pus ma dona es tan vera
		Trop mielhs que ieu non sai dir
		leu quer ans tostemps mazir
	20	Dieus en iram met ab ela
		Om fezes que ben tanh pendre
		Per la golaen una sima
		Pro ma dat sol lieys no pert
		Dieus ma paguat a ma guiza.
IV	25	Ben saup lo mel de la cera
		Triar el mielhs deuezir
		Lo iorn quem fetz lieys aizir
		Pus quazems clardat destela
		Sa par non sai ad entendre
	30	Beutatz dautra si bes lima
		Ni ay a cor tan a cert
		De bes arribar en piza.
V		Dompna quan ni cum al sera
		La nueg e tot jorn cossir
	35	Cous pogues en grat seruir
		Quant hiem pes quem fer nim pela
		Nom pot far en als entendre
		Mos cors de gaug salh e guima
		Tant (?) ai en uos mon cor sert
	40	E ma voluntat assiza.
VI		Dompna si nous alezera
		Mos cors lai on ieu dezir
		Res pus tost nom pot aucir
		Sim tarza pessartz (?) de tela
	45	Al cor quom nos pot defendre
		Quel uida mes ai tan prima
		Souen ai guaug e mespert
		Empes mala lai conquiza.
VII		Doncx quai fag tan lonc espera
	50	Que aissin degues murir
		Mas un jorn mes vis quem tir
		Un an lo pretz duna melha
		Non tem si nom pot car uendre
		Dretz per que mos cors sen sima
	55	Quades mestai luelh ubert
		Vas sella part on lai uiza.
VIII		Qui troba mor ses escrima
		Ia non deu planher sis pert
		Dompna si es vaira ni griza.