Appel, Carl. Poésies provençales inédites tirées des manuscrits d’Italie. "Revue des langues romanes", 34 (1890), pp. 5-35

Code: 002,002 Auteur: Ademar Jordan Genre: Sirventes Numero: [I]

Sj tot m'ai estat loniamenz

I	1	Sj tot m'ai estat loniamenz
		guerreian ab mon mal seingnor,
		e pert lai entre mos parenz,
		……. c'uns no me·n acor,
	5	gesnon lais per tan
		qe solaz e chan
		no sega e domnei,
		si tot me guerrei.
II		Anc guerra no·m fo espavenz
	10	ni mals traitz, per so c'a honor
		pogues estar entre las genz,
		ses maldich de fol parlador;
		c'als non vei qe n'an
		li ric, qant se·n van,
	15	per q'eu o plaidei
		segon so qe·n vei.
III		Bons cavals e bons garnimenz
		am mais qe non faz ioc d'austor;
		mas dels deseretaz sostrenz,
	20	qui, ·l malvaz, no·m fan paor,
		mi torn' ad affan
		qui me·n van parlan,
		e non am ni crei
		lor aunida lei.
IV	25	Puois qe·l vescoms m'es avinenz
		e·m rete per son servidor,
		molt li serai obedienz;
		e llo coms non aura peior
		guerrer a son dan,
	30	q'eu non ai talan
		mas de far qe·ill grei,
		on q'an ni estey.