Appel, Carl. Poésies provençales inédites tirées des manuscrits d’Italie. "Revue des langues romanes", 34 (1890), pp. 5-35

Code: 162,003 Auteur: Garin d'Apchier Genre: Sirventes Numero: [XI]

L'autrier trobei lonc un fogier

I	1	L'autrier trobei lonc un fogier
		un crol', onn era us efas mes
		e la olet' e dos conres
		e la noirissa en un gat nier.
	5	aquest ostals fon d'un parier,
		Comunal, qu'i veich dechaier;
		e qant lui vi, cuidei vezer
		Ruqet, un viel ioglar lanier.
II		Cel, s'es paubres, mal no l'en mier,
	10	q'ieu no·ill tulc ren mas las pares
		e·l moli don rendia ses
		al paire d'en Poisson Gaifier;
		qe·n dis un tal enuich l'autrier,
		don men, qe no·m dis point de ver;
	15	mas no s po de mal dir tener.
		an vos los maiors colps q'el fier!
III		Eu no m'apel ges Olivier
		ni Rothlan, qe q'el se·n dises;
		mas valer los cre maintas ves,
	20	quant cossir de leis q'eu enquer;
		e non sai el mon cavalier
		q'eu adoncs no·l crezes valer;
		e volria tal fieu aver
		a partir regisme o enpier.

 

Dans D 240:

I	1	L'autrier trobei tras un fogier
		un croille ab dos enfanz mes
		en un leit ab dos cures
		e·l nuirissa, un chat nier
	5	aqest ostals fo d'un parier,
		Cumunal, qu'i vei deschazer;
		e quant lui vi, cuidei vezer
		tu, lait [lais] veill iuglar lainier.