Appel, Carl. Poésies provençales inédites tirées des manuscrits d’Italie. "Revue des langues romanes", 34 (1890), pp. 5-35

Code: 167,020a Auteur: Gaucelm Faidit Genre: Canso Numero: [XIV]

D'un 'amor on s'es asis

I	1	D'un 'amor on s'es asis
		mos ferms cors fis,
		movon tuit miei cortes saber;
		c'amors m'ensegna
	5	cansons far e·m maïstris
		e·m esbaudis
		cor e sen e geng e poder,
		per c'ieu devegna
		e gais sos
	10	coindes e bos;
		qe s'ill non fos,
		gia per autra isciensa
		mos trobars,
		qi es fins e clars,
	15	non fora cars
		ni agra gran valensa.
II		Ni non cre qu'om gia·l graisis
		ni abelis
		gia, tant non o sabr'eu voler,
	20	s'amors, ce regna
		e me giors e sers e matis,
		no·m crecis
		de vos, ce·m fatz viur'e valer,
		domna, on c'ieu tegna.
	25	tant es pros
		ce mas cansos
		an pretz pros.
		per so non bistensa
		merceiars
	30	e mos cantars
		ni gens prechars
		ab cor d'umil parvensa.
III		Donc non es gies vers devis
		aicell ce dis
	35	c'ieu cant per aver;
		ch'en re no·l degna
		mon cor tant per ce·n mentis
		lei, c'obesis,
		e mos cantz, on no fas parer
	40	ce·m desovegna
		sos gioios
		cors amoros;
		es es raisos;
		qu'en tant, ses faglensa,
	45	c'enclau mars
		no es sa pars;
		per qe·l lausars
		de leis e·l pretz m'agenssa.
IV		Soau e gient me concis,
	50	can volc c'ieu vis
		son bell cors blanc gioios giaser,
		don bes me vegna.
		e no cresatz ce ieu partis,
		s'il m'o sofris
	55	…. .. so qu'ieu plus volc veser.
		trop cut qe·m fegna!
		c'a sasos
		notz ben al pros
		pauc' ociaisos.
	60	per so·m fai temensa
		fols vanars
		e trop parlars,
		ce mans afars
		en assi·s desavinensa.
V	65	….. tan be·l soi aclis,
		car so que·ll quis,
		me det, qe ges no·m pot plaser
		c'autra·m retegna.
		ans no lais Lemosis,
	70	un dotz pais,
		per lieis, en cui ai bon esper
		don ganglos
		contrarios
		fals ni gelos
	75	no i ay' entendensa
		cil ganglars
		ni·l cridars
		braus : «fals amars!»
		nos ni nostr' amor vensa.
V	80	E per aiso m'esgausis
		car s'afortis
		mos bels Sobiras ab cor ver
		en pretz revegna,
		q'era, s'ell no l'aculhis,
	85	ia meg-aucis
		per tals qui·ll degran mantener.
		e cal qu'estregna
		son cor blos
		flac enoios
	90	vas gioi duros,
		a lui a tenensa
		pretz, donars,
		ses faitz avars,
		e gens ondrars
	95	ab francha captenensa.
VI		Ma cansos
		ab ditz gioios
		va dir .....
		n'Agout en Provenssa
	100	ce·«l pres clars
		de vos m'es cars
		e·l gerears
		de Santongier m'agensa. »