Eichelkraut, Franz. Der Troubadour Folquet de Lunel. Berlin: W. Weber, 1872

Code: 154,002 Auteur: Folquet de Lunel Genre: Canso mariana Numero: VII

Dompna bona bell’ e plazens

I	1	Dompna bona bell’ e plazens,
		per vos fis joys e vers me nays
		ins e mon cor quan pes, qu’esmais
		avetz de nostres falhimens;
	5	maires de dieu, verges casta e pia,
		mans peccadors e mantas peccairis
		attendon joy, que luns temps no fallis
		per vostres precx sancta verges Maria.
II		Dompna., vos etz razonamens
	10	de nostras armas ab dieu mais
		que res que sia, qu’els esglays
		no cajo d’ifernals turmens,
		e vos etz flors e frugz . . .
		la pia . . . . . . pandis
	15	en . . . . . . a nostras fis
		(per vostres precx) sancta verg (es Maria).
III		Dompna . . . . . . .
		de salvano . . . . . .
		re de fern . . . . . .
	20	nasquet le . . . . . .
		ga de bon . . . . . . . .
		ven vos q . . . . . . . .
		que las portas a peccadors ubris
		per vostres precx, sancta verges Maria.
IV	25	Dompna, quan fo le nayssemens
		del vostre car filh, res nous frays
		plus que franh la veirial rays
		del solelh, qu’es dins resplanden;
		per qu’es folhs selh qu’a vos non s’umilia,
	30	quel plus belh frug el plus noble noyris
		qu’anc fos, per que mant’arma reculhis
		per vostres precx, sancta verges Maria.
V		Ar preguem selh quels elemens
		formet e tot quant es, quens lays
	35	descargar quasqus del greu fays,
		qu’es de las armas perdemens,
		que tant em ple d’erguelh e de bauzia,
		quel mons fora ben dignes quen peris,
		maire de dieu, s’el tan non obezis
	40	vostres cars precx, sancta verges Maria.
VI		Vostra valor, dona, dir non poiria
		luns homs carnals, tant es vostre pretz fis;
		sal dieus o vos, sancta verges Maria.
VII		Al mieu senhor, qu’es coms de Rodes, via
	45	ten ma chansos, on fis pretz se noyris
		e digas lis peneda si mal dis
		de ma gensor, qu’es la verges Maria.