De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 080,044 Auteur: Bertran de Born Genre: Sirventes Numero: IV

Un sirventes on motz no falh

I	1	Un sirventes on motz no falh
		Ai fach, qu’ anc nom costet un alh,
		Et ai apres un’aital art
		Que, s’ai fraire, germa ni quart,
	5	Part li l’uou e la mezalha;
		E, s’el puois vol la mia part,
		Ieu l’en get de comunalha.
II		Tot mo sen tenh dintz mo serralh,
		Sitot m’an donat gran trebalh
	10	Entre N’Azemar e’ N Richart;
		Lonc temps m’an tengut en reguart,
		Mas aras an tal baralha
		Que lor enfan, sil reis nols part,
		N’auran pro en la coralha...
VI	15	Talairans no trota ni salh
		Ni nos muou de son arenalh
		Ni no geta lanza ni dart,
		Anz viu a guisa de Lombart;
		Tan es farzitz de nualha
	20	Que, quan l’autra gens si compart,
		El s’estendilh’ e badalha...
VIII		Baro, Dieus vos salf e vos guart
		E vos ajut e vos valha
		Eus do que digatz a’ N Richart
	25	So quel paus dis a la gralha.