De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 173,011 Auteur: Gausbert de Poicibot Genre: Canso Numero: LXXIII

S’ieu anc jorn dis clamans

I	1	S’ieu anc jorn dis clamans
		Encontra vos, Amors,
		Orguoill ni desonors,
		Aram dei e mos chans
	5	Humiliar dos tans
		E laissar mas clamors,
		Pos madompn’ Elionors,
		La pros comtessa prezans,
		O degn’ enaissi voler;
	10	E, si tot ieu de vos grat non esper,
		Beus dei grazir lo dan el mal
		Pos ill m’o manda que tant val . . .
V		Al Rei dels Alamans,
		Cap dels emperadors,
	15	Vai, chansos, cui Valors
		Dona sobrels prezans
		Tant de pretz, cum es grans
		Sobre totz sa ricors ;
		[Que] dei sieu pretz es autors
	20	Lo sieus noms benestans
		Qel a  Frederic, per ver:
		Per refrenar vils faitz, e retener
		Q’us non toc’ a son pretz cabal,
		Fre de ric  e man port’ aital.
VI	25	Del Rei d’Aragon esper
		Q’ades meillur’ e sapcha mais valer,
		Qand el aura sen natural,
		Pois joves sap tant e tant val.