De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 457,005 Auteur: Uc de Sant Circ Genre: Deux coblas Numero: CVII

Antan fez coblas d’una bordeliera

I	1	Antan fez coblas d’una bordeliera
		Ser Aimerics, e s’en det alegranza,
		Et aras auch q’en una lavandeira
		A mes son cor e tota sa esperanza;
	5	Q’aissi s’aven d’ome q’es trop dios,
		Qe sos affars torna de sus en jos,
		Quant veillesa lo rom ni desbalanza.
II		Ja toseta noil er mais lausengiera
		Ni noill dira lausengas ni honranza;
	10	E, si o fai, fara per nessieira
		Qu’aura en si, e per grant malananza;
		E faill li ben pans, vins, sez e maisos
		A leis, s’ab si lo colga nis met jos
		Ni abracha sa fronzida pel ranza.