Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Appareil critique
* Traductions

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 457,041 Auteur: Uc de Sant Circ Genre: Dansa Numero: CIX

Una danseta voil far

I 1 Una danseta voil far,
    Jogan, risen,
    De Ma Vida, cui Dieus gar
    Son gentil sen, 
  5 A queil farai alegrar
    Son cor dolen.
    Ab dous chan,
    En dansan,
    Voil que s’anes conortan,
  10 Baratan
    E trichan
    Las domnas e galian.
     
II   Sos bons sens li fai canjar
    Alberg soven:
  15 C’ar es venguz sai estar
    E vai qeren
    Autra que puesc’ enganar
    C’aja argen.
    Ab dous chan &c.
     
III 20 Mantoana e Verones,
    Perdut l’ai,
    E Trevis’e Senedes
    Atresi sai;
    E, s’el perc Visentines,
  25 Ol menerai?
    Ab dous chan &c.
     
IV   En Alvergne et en Fores
    Et en Veslai,
    Lai on no sabon qi s’es
  30 Nils trag q’el trai;
    Pueis me trai l’en Vianes,
    A Anonai.
    Ab dous chan &c.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI