De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 132,004 Auteur: Elias de Barjols Genre: Canso Numero: CXIII

Ben deu hom son bon senhor

I	1	Ben deu hom son bon senhor
		Amar e servir
		Et honrar et obezir
		A tota s’onor;
	5	E de mal senhor ses merce,
		Quant ponhals sieus en desfaire,
		Se deu hom qui pot estraire,
		Quant sos servizis pro nolh te . . .
V		Al valent Emperador
	10	Vuelh mostrar e dir
		Que totz met Dieus en azir,
		Mas son servidor;
		E, pus Dieus l’a donat de que,
		Serval a dreg l’Emperaire,
	15	Qu’om del mon no pot plus traire
		Mas tant quant aura fach de be.
VI		Comtessa Beatris, gran be
		Aug de vos dir e retraire,
		Quar del mon etz la belaire
	20	De las autras dompnas qu’om ve.
VII		En Blacas jes no se recre
		De son fin pretz enan traire,
		Ans val mais que no sol faire,
		E melhur’e creys so que te.