De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 315,002 Auteur: Palais Genre: Sirventes Numero: CXXIX

Bem plai lo chantars el ris

I	1	Bem plai lo chantars el ris,
		Quant son ab mos compaignos
		E mentaven los baros
		E parlem del pro Marquis
	5	Qeç a bon prez s’acompaigna;
		Pero ca jes n’a Enris,
		Q’anc Rainarz, qui fo gignos,
		No sap tant d’avol bargaigna.
II		Pero totz mos enemis
	10	Non prez lo valen d’un tros;
		S’il sun brau ni orgoillos,
		Ja non lor serai aclis;
		Toz non los dopt un’aulaigna;
		Mas Mezer Ot m’a conqis
	15	Del Carret, qu’es francs e pros
		E vol bon pretz e gazaigna.
III		A mudar m’er la razon
		Et avenra m’a chantar
		De aquels qe dizon de non;
	20	Et eu non puesc al re far;
		Mas esser cug en Espaigna,
		Quant entre dinz lor maison:
		Chascun vest son chapiron
		E mostram cara grifaigna.
IV	25	Pero prec Jhesu del tron
		Qe los faza abaissar,
		Car trop los vei alt estar
		Ses don e ses mession;
		E voill tot jois me sofraigna,
	30	S’ieu non dic la mespreisson
		Qe fan li ric croi feon
		Enanz qe lo juocs remaigna!