De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 285,001=364,019 Auteur: Lanza Marques , Peire Vidal Genre: Coblas Numero: XVI

Emperador avem de tal maneira

		LANCIA
I	1	Emperador avem de tal maneira
		Que non a sen ni saber ni membransa,
		Plus ebriacs no s’assec en cadeira
		Ni plus volpilhs no port’ escut ni lansa,
	5	Ni plus avols non causset esperos
		Ni plus malvatz no fetz vers ni chansos;
		Res non es meins mas que peiras, non lansa.
II		Espaza volh que sus pel cap lo feira
		E dartz d’acier volh quel pertus la pansa
	10	E brocas volh queil tragan la lumeira;
		Pois li darem del vi; en loc d’onransa,
		Un velh capel d’escarlat, ses cordos,
		E sa lansa sera us loncs bastos;
		Pois pogr’ anar segurs d’aqui en Fransa.
		PEIRE VIDAL
I	15	Lanza Marques, paubreza e nescieira
		Vos cochan fort, dolors e malanansa;
		Et etz com l’orbs que piss’ en la carreira,
		Quant a perduda vergonh’ e membransa;
		Plus sovens vens castels e domejos
	20	No fai velha gallinas ni capos,
		E, s’anc fos francs, ar es sers, ses duptansa.