Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Appareil critique
* Traductions
* Images

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 102,001 Auteur: Bonifaci de Castellana Genre: Sirventes Numero: CXLV

Era, pueis yverns es el fil 

I 1 Era, pueis yverns es el fil 
    Que d’aigas glason mais de mil,
    Ai cor de far un sirventes;
    E, s’ieu i met negun mot vil,
  5 No m’en chal, qar dels malapres
    Baros, q’ieu trueb ples de no-fes,
    Chantarai; que Dieus los acor!
     
II   D’els e de lur fach hai malcor,
    Qar eilh non han valor ni cor,
  10 E trueb los vas prez trop estrils;
    Mal resemblan al pro N’Ector
    Per q’eu volgra ausir sos qils;
    Q’om lur tolges, entro als fils,
    Ço pauc qe lur es remansut!
     
III 15 Lo Reis Engles cug q’al sanglut,
    Qar tan lo ve hom estar mut
    De demandar sas eretatz;
    Et, mentrestant ha ’n tan perdut,
    Degra si menar daus totz latz
  20 Coredors e cavals armatz,
    Tro cobres sas possessios.
     
IV   El flacs Reis cui es Aragos
    Fa tot l’an plach a man garsos;
    E forailh plus bel, so m’es vis,
  25 Qe demandes am sos baros
    Son paire, q’era pros e fis,
    Qi fon mortz entre sos vesis,
    Tro fos dos tantz aqitiat.
     
V   E li fals clerge renegat
  30 Cuidan deseretar Colrat,
    Per donar a lor bastardos;
    E tenon l’Emperi vacat
    Ab las lur malvasas lesos
    Don cujan reinhar entre nos;
  35 Mas san Pier’ han trop irascut!
     
VI   De mon seinhor, si Dieus m’ajut;
    Se no creses conseilh menut,
    Sai q’el fora adrech e bos,
    E plagran li brant e escut,
  40 Elms e ausbergs e garnisos;
    E fora ben dreitz e rasos,
   
Q’enaissis tainh d’enamorat.
     
VII   Arbalestier be aresat
    E cavalier, qan van rengat,
  45 Mi plason trop mais qe libel;
    E ja nom trobares lassat
    Q’ieu non fas’ assaut e cenbel,
    E non abraz sout son mantel
    Donna ab gras cors e delgat.
     
VIII 50 Mauret, unam det son anel,
    De q’ieus trobei trop airat;
    Tramet a vos e a ’N Sordel
    Mon sirventes, q’ei acabat.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI